Kakanak tarakhir di bumi naya
biar anak guru uluni taatap jadi sasambatan bubuhanya! tarutama pas ada manyanyi lagu "anak pipit gugur matan di sarang" mata bubuhanya pasti cangang ka ulun!
ulunni lawan kakawanan pahalusnya awak, ada pang tamirip, cuma talamak inya.
ulun baisi saikung kawan akrab, naranya idang tatinggi sikit ja! cuma harau mancicing bukahnya!
mun disakulah tu ulun katuju banar bamainan, di antaranya bamainan babintingan! apa yuuu wadah pian naranya?
aturanya damini tih!
nang naranya binting nitu bisa puhun atawa nang lain pokoknya kawa di ingkuti tapi kuat kada bagarak, kalumpuknya tardiri dari dua kalumpuk, isi sabuting tim babarang haja! tapi biasanya balima urang nya!
tim manang apabila kawa marabut binting musuh (manjapainya) makanya, sadaya upaya kita tu harus manjagai binting kita supaya kada di japai lawan musuh!
asal tangan kita tajapai bintingkita, maka musuh nang tajapai jadi! diri inya harus badiri sadapa pada binting kita.
kita boleh manyasahi musuh lamun inya padahulu lapas pada bintingnya, atawa musuh mayasahi kita apabila kita tadahulu lapas pada binting kita.
makanya main babintinganni harus ba strategi ujar urang wahini, karana harus kawa bukah laju amun sudah talapas pada binting kita! amun tatangkap! ia am, kita harus badiri sadapa pada binting musuh kada kawa baapa-apa! kacuali kawan kita nang masih hidup (nang balum tatangkap kawa manulungi kita) jadi kita kawa hidup jua!
suatu hari kami sakalas bamainan babintingan, ulun umpat kalumpuk si ujang kawan lun nang awaknya taganal, talaju bukah, lawan tapintar di kalas!
musuh babuhan ulun tim si Aaw, awak ya sadang haja! tatapi harat bukahnya!
tim ulun selain si ujang, ada jua si idang kawan akrab ulun tadi! ada jua si surahmadi awaknya talamak pada ulun, nang tarakhir si purwanto! nah awaknya bujuran ganal am!
singkat kata parmainan dimulai, karna ulun pahalusnya ulun di suruh maharamja di binting kami!
"kam fit jagai binting kita haja lah!" Ujang mamadahi ulun
"ya sip jang!" (handak manyambat janggut! karna inya bajanggut sadikit kalau disarikinya) ulun mambalasi
"kita kumpak lah! jangan basarikan lamunya kalah kena!" Ujang mamadahi bubuhan kami
"pasti manang bubuhan kita ni!" Idang bakuciak
"tanang ja unda kena nang manyasahi tim aau tu! "( purwanto sambil manyapu hingus di hidung)
surahmadi nang kada tapi pamander te, bagaru kapala haja am!
bubuhan kami pun basiap-siap, jarak antara puhun (binting) kami lawan binting musuh adai kalu! 10 meter. jadi amun bukah lapahai loko!
parmainan pun dimulai!
nang kaluar badahulu, si ato tim bubuhan aaw!
"jaga nyawa ato lah!!!" Purwanto sambil macangangi ato
langsung haja purwanto manyasahi si ato! kaya apa kada panas si ato mahahuhulut si purwanto! ato pun disasahi kasanakamari!
pintar jua si ato tu kalinya, inya mamancing si purwanto ka bintingnya! lalu kaluarai si nantan kalumpuk aaw manyasah sakali badua lawan aaw!
"nah kasampatan, dang kita sasahi bubuhanya! tinggal eheng lawan ayib aja lagi manjaga binting musuh" Ujang bapander sambil cangang kasana kamari
"ayooo! Bacapat" Ujar idang
ujang lawan idang pun kaluar pada binting manyasahi bubuhan nang sudah kaluaran badahulu tadi.
apa ayal, purwanto tatangkap si nantan, makanya am inya jadi! atawa badiri di parak binting bubuhan aaw
bubuhan kami punmambalas manangkap si aaw, inya pun jadi badiri di parak binting kami
musibah lah bagi bubuhan kami, ato lawan nantan sampat babulik jadi babuhanya to pulang nang baganti manyasahi ujang lawan idang
apa ayal jua, ujang tatangkap si ato! inyapun jadi! untung idang bukah laju kawa bubulik kabinting
"lajui tulungi kami dang!" Ujang bakuciak matan binting musuh
"surahmadi ayo kita tulungi bubuhanya" Idang mambawai surahmadi
surahmadi : (maangguk)
"kacau bangat nangini! tan kita babulik dahulu ka binting kita" Ato mamadahi natan "iih …." (ujar natan)
karena bubuhan nantan lawan ato tadi kawa babulik lakas ka bintingnya bubuhanya itupun baganti handak manyasah bubuhan idang lawan surahmadi
karna idang laju, jadi si ujang kawa tatolongi si idang! ujangpun babulik kabinting!
tapi apa ayal lagi surah madi lawan idang tatangkap dan jadi karena bubuhan musuh nang baampat nang masih di bintingnya wani kaluar samuaan manyasahi si idang lawan surahmadi.
"nah iya am! kita bartahan di binting ja fit" Ujang lirih
"mulai tadi ai aku disini" ( muha masam) ujar ulun mayahut
"yib (ayib) ikam jaga binting! kami batiga manyarang" Ato di binting musuh mangumando
bubuhanya nang batiga pun (ato,natan, lawan eyeng) manyarang binting kami
ato pun handak manolongi si aaw, tapi ujang talakas manjapainya lagi! jadi aaw masih jadi!
pintar jua sakalinya si ujang nih, pura-pura cangan kalain sakalinya bagagas manjapai si natan. maka si natan jadi
tapi buhuhan musuh kada maukalah akhirnya si aaw, kawa di salamatakan si eyeng
"salamatam aku!" Aaw maluncat
"Lajui babulik aw" ujar ato
"Ia…" aaw mambalasi
bubuhan musuh pun maunjai bubuhan kami nang batahan di binting
ujang pun mawaniakan diri kaluar pada binting manyasahi bubuhannya yang ada tadi, karena ato lawan eyeng kauyuhan yamanai ujang manangkap bubuhanya tadi. jadilah si ato lawan eyeng
"kasampatan fit, aku handak menolongi bubuhanya" Ujar ujang
lalu lajui si ujang ke wadah purwanto, surahmadi lawan idang.
apa ayal! ujang yang akhirnya tatangkap karena bubuhan ayib lawan aaw nang tasisa tadi kawa managkap ujang.
akhirnya ulun lamahhh lintuhut! karana ujar kakanakna wayahini ulun Kakanak terakhir di bumi naya!
kakawanan sudah matian, tapi ulun harus kuat! walaupun ulun kurus ulun harus kuat!
mata bubuhanya nang badua pun malihati ulun
"he…he…he… tinggal ifit saurangan lagi" Aaw mancangangi ulun
"iya, inya saurangan lagi" Ayib baucap sambil malihatakan ibu jari kabawah
"bersiaplah fit he… he… he…" Aaw mahuhulut
Tiba-tiba
"napa ikam tatawa jang" Ayib pina hiran
tiba-tiba ujang, idang, purwanto tatawa mangalakak
"han napa jar ku yib, jar ku ikam bajaga haja di binting kita!" Aaw masam muha
"ikam lo nang mambawai manyasahi si ujang!" Ayib manyanggah
"lihati tu nah siapa di binting kita?" Aaw malihati bintingnya
"nangapah….. si ifit….! "Ayib taduduk
"yee manang kita!" Idang bukah sambil baluluncat
"mantap fitt" purwanto maangkat ibu jari kawadah ulun
akhirnya ulun kawa manjapai binting musuh, karana musuh karamian manyasah ujang jadi ulun bagimitan ka binting musuh. akhirnya manangam bubuhan kami!
Jadi mimang nang naran kakuatan lawan kalamahan manusia tu kada tagantung ukuran ganal halusnya awak lawan kuat kadanya tanaga seseurang.
Paruses itu gin panting banar, kada sakadar kaya apa hasilnya haja.
Kita kada harus jadi urang lain supaya kalihatan baik pada urang lain.
TAMAT
Tidak ada komentar:
Posting Komentar